Veldu hús
Vönduð geymslu- og atvinnubil í Hafnarfirði
Við Títanhellu 19 rís vandað og vel hannað verkefni fyrir bæði einstaklinga og fyrirtæki. Bilin verða í fjölbreyttum stærðum, með eða án millilofts, svo að flestir ættu að geta fundið sér rými sem hentar þeirra þörfum.
Hönnun bilanna tekur mið á fjölbreyttum notkunarmöguleikum og geta meðal annars hentað vel sem lager eða vinnuaðstaða fyrir smærri fyrirtæki, geymsla fyrir bíla, hjólhýsi og annan búnað. Bilin geta einnig nýst sem samsett skrifstofu-, vinnu- og geymslurými. Hægt er að koma fyrir bílalyftu og lyfta flestum bílum í fulla hæð, hvort sem er fyrir framan milliloft eða í minni bilunum. Svæðið verður afgirt með aðkomu um rafdrifið aksturshlið. Þá verður öryggismyndavélum komið fyrir á öllum hornum svæðisins til að tryggja gott eftirlit og aukið öryggi.
Öll bilin verða með ca. 3,4 metra háum og 3 metra breiðum iðnaðarhurðum en lofthæð og útfærsla rýmana tryggja góða nýtingarmöguleika, hvort sem þú þarft að koma fyrir hjólhýsi, lager, hobbyinu eða bílalyftu.
Nútímaleg og vönduð hönnun
Innra útlit bilanna verður nútímalegt og hrátt, með ljósgráum veggjum að innan, dökkgráu brunavörðu stálburðarvirki og vandaðri lýsingu. Gólf verða lögð slitsterku epoxy-efni sem hentar vel fyrir fjölbreytta og krefjandi notkun.
Markmiðið er að skapa rými sem eru í senn hagnýt, endingargóð og vel hönnuð. Bilin verða því með meiri karakter en hefðbundin geymslubil til að mæta ólíkum þörfum og kröfum.
Helstu eiginleikar
Góð lofthæð og stórar hurðir
Bilin eru rúmgóð og aðgengileg, með góðri lofthæð sem býður upp á fjölbreytta nýtingarmöguleika.
Stærri bil
- Lofthæð er 4,8 metrar við útvegg og 6,1 metri í mæni.
- Undir millilofti er 2,9 metra lofthæð sem gefur góða möguleika á geymslu hjólhýsa og annars búnaðar.
- Lofthæð á millilofti er frá 2,3 upp í um 2,8 metra.
- Fyrir framan milliloftið er næg lofthæð til að koma fyrir bílalyftu.
- Vandaðar iðnaðarhurðir eru 3 metrar á breidd og 3,35 metrar á hæð.
Minni bil
- Lofthæð er 3,9 metrar við útvegg og 4,6 metrar í mæni.
Vandað þak - hannað með hljóðvist og endingu í hug
Þakið er einstaklega vandað og byggt úr 160 mm þykkum einingum, með harðpressaðri steinull(100 kg/m³). Yfirborðið er lagt heilsoðnu, tvöföldu lagi af IKO-þakpappa. Þaktak ehf. sá um framkvæmdina og veitir tíu ára ábyrgð á þakfráganginum.
Helstu kostir:
- Steinullin og tvöfalt lag þakpappa veita góða hita- og hljóðeinangrun.
- Heilsoðinn IKO-þakpappi myndar sterkt og endingargott yfirborð.
- Tíu ára ábyrgð er á þakfráganginum.
Vandaður og stílhreinn frágangur
Innra og ytra útlit bilanna verður nútímalegt, stílhreint og flott, með vönduðu efnisvali.
- Innveggir verða ljósgráir.
- Stálburðarvirki verður brunavarið dökkgrátt að lit.
- Vönduð lýsing verður í öllum rýmum, með tunnuljósum í sal, kösturum á millilofti og svörtum, flötum ljósum undir því.
- Gólf verða lögð slitsterku epoxy-efni sem hentar vel fyrir fjölbreytta og krefjandi notkun.
- Ljósleiðarabox verður í hverju bili.
- Ryðfríar neysluvatns- og ofnalagnir.
- Vandaðar raflagnir með 3-fasa rafmagni.
Hafðu samband
Hafðu samband við okkur til að fá nánari upplýsingar um laus bil, stærðir og mögulegar útfærslur.
Við aðstoðum þig við að finna rými sem hentar þínum þörfum.